2026 жылғы 21 қыркүйек күні ТҚ-411, ИсР-411 топтарының 4-курс білімгерлерімен «Заң және тәртіп» тақырыбында кураторлық сағат өткізілді. Кураторлық сағатты Абиров Данияр Акбарович ұйымдастырып, өткізді.
Кураторлық сағаттың негізгі мақсаты – білімгерлердің құқықтық сауаттылығын арттыру, заң талаптарын құрметтеуге тәрбиелеу, қоғамдағы тәртіп пен жауапкершіліктің маңызын түсіндіру, сондай-ақ өз құқықтары мен міндеттерін білуге бағыттау.
Іс-шара барысында заң мен тәртіптің қоғам өміріндегі маңызы, азаматтардың құқықтары мен міндеттері, құқық бұзушылықтың алдын алу және қоғамдық қауіпсіздікті сақтау мәселелері талқыланды. Білімгерлерге Қазақстан Республикасының заңдарын сақтау әрбір азаматтың негізгі міндеттерінің бірі екендігі түсіндірілді.
Сонымен қатар, жастар арасында құқық бұзушылықтың алдын алу, қоғамдық орындардағы тәртіпті сақтау, бір-бірінің құқықтары мен бостандықтарын құрметтеу мәселелеріне ерекше назар аударылды. Білімгерлер өз ойларын ортаға салып, заң талаптарын сақтау және құқықтық мәдениетті қалыптастыру жөнінде пікір алмасты.
Кураторлық сағат барысында тақырыпқа қатысты көрнекі материалдар көрсетіліп, білімгерлердің пікірлері тыңдалды. Іс-шара пікір алмасу және сұрақ-жауап форматында өтіп, білімгерлер белсенділік танытты.
Қорытындылай келе, «Заң және тәртіп» тақырыбындағы кураторлық сағат ТҚ-411, ИсР-411 топтары білімгерлерінің құқықтық білімін жетілдіруге, жауапкершілік сезімін арттыруға және заңға құрметпен қарау мәдениетін қалыптастыруға бағытталған мазмұнды іс-шара болды.
