2023 жылдың 23 маусымында Лунд университетінен (Швеция) шақырылған ғалым, Құқық әлеуметтану кафедрасының қауымдастырылған профессоры Рустам Уринбоев Жетісу университетінің білім алушылары мен профессорлық-оқытушылар құрамы үшін «MCSA бағдарламасы бойынша Еуропалық Одақтың гранттық қаржыландыруына қалай өтініш беруге болады» тақырыбында қонақтық дәріс өткізді. Дәріс барысында профессор тыңдаушыларды Horizon Europe MCSA «Орталық Азиядағы құқық» және «Орталық Азиядағы сыбайлас жемқорлықтың көп деңгейлі бұйрықтары» атты жобаларымен таныстырды. Халықаралық жобаларға қатысу қатысушы университеттердің ғалымдарына алмасу бағдарламасына қатысуға және еуропалық университеттердегі әріптестермен тәжірибе алмасуға мүмкіндіктер ашады.
