2023 жылғы 23 маусымда Лунд университетінен (Швеция) шақырылған ғалым, зерттеуші Шерзод Ералиев Жетісу университетінің білім алушылары мен профессор-оқытушылар құрамына «Жоғары білім беру саласындағы әлеуетті арттыру және Erasmus+ халықаралық кредиттік ұтқырлық» тақырыбында қонақтық дәріс өткізді. Тыңдаушылар Erasmus + кредиттік ұтқырлық бағдарламасы бойынша оқытушылармен, қызметкерлермен және білім алушылармен академиялық алмасу шеңберінде Лунд университетінің ынтымақтастық мүмкіндіктерімен танысты.
